ملحمة تقوله يقولك "للمتغبي"..

* ملحوظة المتغبي دي على وزن المتنبي بس دي من الغباء بقى 

 تقوله هو مرسي عمل ايه من ساعة ما جه..

 يقولك هو لحق ده لسه مبقولش كام شهر

تقوله بس مفيش حاجة ملموسة في الكام شهر دول

يقولك يكفي انه انهى الحكم العسكري

تقوله هو لما يكرم الحكم العسكري بعد ما كان بيتهمه بانه قاتل يبقى كده أنهاه ؟!

يقولك مهو مينفعش يعمل غير كده.. دي سياسة

تقوله طب على مستوى الشارع ايه التغيير اللي حصل

يقولك هما سايبينه يشتغل.. مهو كل شوية اعتصامات والناس مبتشتغلش

تقوله طب يعني هي المشكلة في الناس!!

يقولك الناس بتعارض وخلاص ومبيحترموش الشرعية

تقوله يعني هو رئيسك اللي احترم الشرعية لما اصدر إعلان دستوري؟

يقولك طب ليه محدش اعترض على المجلس العسكري لما أصدر إعلان دستوري

تقوله ده مبرر أن يصدر إعلان دستوري وينصب نفسه ديكتاتور

يقولك أصل القضاء متربص بيه وعايز ينقلب على الحكم

تقوله طب لو صحيح فيه مؤامرة مش المفروض يكشف عنها للناس؟

يقولك لأ أصل اللي في موضع القيادة دايما بيحتفظ بالتفاصيل دي للوقت المناسب.

تقوله طب ليه الإصرار على دستور غير معبر عن الشعب

يقولك طب نوافق عليه عشان البلد تمشي دلوقتي بعد كده نبقى نعدل

تقوله محنا قولنا كده أيام استفتاء 19 مارس وأدينا عايشين في استقرار فعلا !

يقولك اصل الشرعية للصناديق وخلي الشعب هو اللي يقول رأيه

تقوله الدستور ده لا يعبر إلا عن تيار واحد، بدليل الناس اللي انسحبت

يقولك دول كانوا موافقين م الأول على كل المواد ديه وموقعين عليها

تقوله طب ازاي تحصل مجزرة عن الاتحادية وفض اعتصام بالقوة

يقولك اصلا اللي ماتوا كلهم م الاخوان

تقوله طب ايه اللي وداهم هناك اصلا

يقولك حق التظاهر في أي حتة مكفول لكل الناس

استبدلنا الطيار.. بحكم "التيار"

استبدلنا الطيار.. بحكم "التيار".. وبلدنا في انهيار.. ولافيش استقرار.. أشبه بالاستعمار.. مبقتش مصر عمار.. مبقتش نفس الديار.. بقت جحيم ونار.. نار الاستعباد.. والظلم والاستبداد.. وضاع حق الولاد.. اللي مصيرهم الاستشهاد.. عشان يجيبوا حق البلاد.. ضد نظام يهوي العناد.. مايشوفش خطأه ويستفاد.. قسما برب العباد.. مبقتش أحبك يالبلاد.. طالما ولادك عنك بعاد.. وعارف مصيرنا في يوم نبقى بعاد. 

 

أ. ن

نفسي يا مصر

نفسي يا مصر
تسقينى حبة صبر
تروينى محبة
تعيش معايا
وتنزل معايا القبر

سمعتني غلط

وسقتني صبّار
دوقتني طعم المرار
آآآه مين بس يقدر يدوقه
ومين يقدر يستحمل شوكه

وضاع الوِد
و دبل الورد
و دبلت خدودي
يا مصر
قيدتيني ؛ أسرتيني في حبك
إزاى تنسي صوتى
انا اللى عشت مغرم بحبك

منقول..

أ

مش شعر!!

يا عروسة النيل يا حتة م السما .. ليه بقيتي تعذبينا كلما

دوبنا فيكي وحبناكي انما.. باقية على اللي باعك مثلما

باعوا النفيس بخس ورخيص .. وكنيسة طالعة بدون ترخيص.. شدوا الهمم جابوا السلاح.. دولة قانون ولا تهجيص..حالا بقيت انت البوليص!!..  لو فيكي حد بيعشقك مثلما.. ضحيت بروحي ودمي عندما.. قالوا الجهاد ضد الفساد.. مش ضد غيرك م العباد.. حولت ثورة لاستبداد.. ومصير من يخالفك الاستبعاد.. هتكون راضية يا مصر واحنا بعاد.. !!


by: أ . ن

Missing the simple life...

Missing the simple life....

Where there is no phone .. No Facebook

When you dress what you want.. And no one would look

When losing a game.. Is simply your biggest shock 



By: A . N

هل انتي حلم أم سراب..

أم زهرة.. جميلة.. أم شمس يصعب من مداها الاقتراب.. أم كوكب.. ساطع.. أم نجمة لمعت وسط الضباب..

قد جئتي في توقيت نسى فيه قلبي معني الصواب.. ولم أسمع منه سوى صوت الاضطراب.. الآن قد شفي جرحه وطاب.. كيف فعلتِ ذلك دون حتى اقتراب.. 

أ . ن

فأعلم أنك في مصر

عندما تتناقض المعايير في تقييم الأمور.. فأعلم أنك في مصرعندما يتحول البحث عن لقمة العيش إلى اتهام بالخيانة والسعى وراء "السبوبة" ... فاعلم انك في مصرعندما تسفك الدماء دون وجه حق عشرات المرات في ماسبيرو ومحمد محمود ورفح ونتوقف فقط عند بورسعيد.. فاعلم انك في مصرعندما ننساق وراء شعارات نرددها دون أن نعي حقيقة الأمور.. فأعلم أنك في مصرعندما لا نرى الخيط الرفيع بين الحرية والمسئولية.. فأعلم أنك في مصرعندما تدعو للاستقرار وإعمال القانون فتتهم بالسلبية والدفاع عن الباطل.. فأعلم أنك في مصرعندما يتحدثون عن حق الشهيد وفي حديثهم دعوى لمزيد من الدماء والشهداء.. فأعلم أنك في مصرعندما يستغل قادة الفكر المواقف للمزايدة واكتساب شعبية وجماهيرية حتى ولو بمواقف سلبية.. فأعلم أنك في مصرعندما لا يعرف الثائر خطأه بترك ثورته ويعود ليفكر بعد فوات الأوان.. فأعلم أنك في مصر


أ . ن

مثال الشجاعة !!!

مين اللي حول جمالكم لقبح.... وليه أصبحتم في ليل بعد صبح

انتوا اللي علمتونا الكلام.... وانتوا اللي كنتوا الدوا للجرح

يا التراس يا مثال الشجاعة.... ياللي ما تهابوا عسكر أو جماعة

مين اللي قال حق الشهيد راح..... ولا كلامكم سمعا وطاعة

تهديد وبيان وضرب في المليان.... يا هل ترى يعيد اللي كان

كونوا عيونَا وعصا اتكاءنا....  لحين ما يسقط كل اللي خان 


أ . ن

كلام في كلام

رئيس منتخب .. جهاز فني للمنتخب.. وبلد ينتحب.. وقطر ينقلب.. وشعب بـميلون طلب.. ولا يعجبوش إلا العجب.. نور ينقطع مين السبب.. م الحر ولا من التعب.. دوري اتلغى وماتش اتلعب.. عسكر بيعلمونا الادب.. ومفيش مسابقة تتلعب لو لم تبطلوا شغب.. يظهر محدش قاللهم.. أن الأخلاق لا تكتسب.. إعلام ركب دقن وشنب.. والشعب قاعد ع الكنب.. بقى يقتنع بكل شيء.. طالما اتذاع وانكتب..

أ . ن

مصر الأبية

مصر الأبية..

أضحت طائفية..

باتت عنصرية..

لم تعد قومية..

أحلامي الوردية..

وطموح الوطنية..

 أصبحت أوهاما..

في دولة دينية..

 ياليتكي يا بلادي..

بقيتي مدنية..

هل صدق طغاتك..

إذ قالوا يوما..

شعبا لا يصلح..

ليعيش ديمقراطية؟

.. لماذا يا بلادي ..

تدفعيني لرحيلٍ.. 

أو بقاء مشروطً ..

بقواعد قهرية.. 

 

أ . ن

اختيارات

لماذا دائما تكون الخيارات صعبة.؟.. لماذا تقترن بالحيرة.؟.. لماذا لا يكون الأمر بهذه  البساطة (أبيض) أو (أسود)، ولكن الواقع المؤسف لا يفرض علينا ذلك الخيار التقليدي (الابيض والأسود) ولكن بات الخيار بين درجات "الأسود" ، القاتم والأكثر قتامة، المظلم والأكثر ظلاما..


أ . ن